samakaaleen samaaj ke badalate rishton aur vaivaahik jeevan kee jatilataon ko kendr mein rakhakar lekhak je. pee. sinh kee naveenatam pustak “bevaphaee – mere hee chhat ke neeche” paathakon ke beech aa chukee hai. yah upanyaas aaj ke padhe-likhe, naukareepesha yuvaon ke vaivaahik jeevan par aadhaarit ek sanvedanasheel aur vichaarottejak kaalpanik katha hai, jo kalpana hote hue bhee vaastavik jeevan kee ghatanaon se gahara saamy rakhatee hai. kahaanee ke kendr mein hain raahul, vaaraanasee nivaasee, bhu-it se shikshit ek saral, sanskaaree aur eeshvar-bhakt yuvak, jo dillee kee ek sophtaveyar kampanee mein projekt ko-ordinetar ke roop mein kaaryarat hai. usake jeevan mein pravesh karatee hai usakee patnee mannat semavaal, ek sundar, susanskrt aur aadarsh grhinee, jo deharaadoon ke chakaraata kshetr se aatee hai. baahar se aadarsh dikhane vaala yah daampaty jeevan kab aur kaise darakane lagata hai, yahee is upanyaas ka mool prashn hai. lekhak ne bade hee sahaj aur prabhaavashaalee dhang se yah dikhaane ka prayaas kiya hai ki aadhunik jeevan kee bhaag-daud, apekshaen aur bhaavanaatmak dooree kaise rishton mein avishvaas aur tootan ko janm detee hai. yah pustak keval ek kahaanee nahin, balki aatmamanthan ka avasar hai—ki ham rishton mein kahaan chook jaate hain aur kyon. “bevaphaee – mere hee chhat ke neeche” un paathakon ke lie avashy pathaneey hai, jo rishton kee sachchaee ko samajhana chaahate hain.
